អង្គការPPCIL បានរៀបចំសិក្ខាសាលាផ្សព្វផ្សាយរយៈមួយព្រឹក ស្តីពីចលនា​ ជីវិតរស់នៅ​ដោយឯករាជ្យនៃជនពិការនៅសង្កាត់ពងទឹក ខណ្ឌដង្កោ ទី ក្រុងភ្នំពេញ ក្នុងគោលបំណងដើម្បីបញ្ជា្របបញ្ហាពិការភាពនិងចលនាជីវិត រស់នៅដោយឯករាជ្យនៃជនពិការ ទៅក្នុងសហគមន៏និងជាពិសេសបងប្អូន​ ជនពិការ ក្នុងន័យឈានទៅរកការកែប្រែទស្សនៈអវិជ្ជមានមកលើជនពិការ និងបង្កើនការយល់ដឹងអំពីគោលគំនិតពិការភាពនៅក្នុងសហគមន៏ដើម្បី សំដៅកសាងសង្គមមួយសំរាប់យើងទាំងអស់គ្នា។

ការបង្ហាញរបស់លោក សាម៉ីត ស្តីពីចលនាILការចូលរួមរបស់មន្ត្រីសាលាសង្កាត់ពងទឹកការបង្ហាញរបស់កញ្ញាហ្ស៊ាគី និងកញ្ញាមុន្នីរត្ន័អំពីជំនួយការផ្ទាល់ខ្លួនការបង្ហាញរបស់កញ្ញាបុប្ផាស្តីពីគោលគំនិតពិការភាព

បុគ្គលិកភ្នំពេញCILទៅទទួលកញ្ញាហ្ស៊ាគី មកធ្វើការជាទីប្រឹក្សានៅ មជ្ឈមណ្ឌលភ្នំពេញCILរយៈពេល២ខែ ពីថ្ងៃទី១៤ ខែកក្កដា ដល់ថ្ងៃទី១៤ ខែកញ្ញា ឆ្នាំ២០១១

កញ្ញា ហ្ស៊ាគីមកដល់អាកាសយានដ្ឋានអន្តរជាតិភ្នំពេញ

កញ្ញា ហ្ស៊ាគីនិងក្រុមការងារបានទៅញាំអាហារពេលយប់នៅផ្សាពោចិនតុង

កញ្ញា ហ្ស៊ាគីកំពុងធ្វើការនៅការិយាល័យ (ខាងក្រោយគឺជា ម៉ាលីកា)

កម្មវិធីពិភាក្សាស្តីពីប្រភពនៃការរើសអើងមកលើជនពិការ

នៅថ្ងៃទី១១ ខែឧសភា ឆ្នាំ២០១១ អង្គការPPCIL បានរៀបចំកម្មវិធី ពិភាក្សាស្តីពីប្រភពនៃការរើសអើងមកលើជនពិការ, ផ្សព្វផ្សាយចលនា ជីវិត​​រស់នៅដោយឯករាជ្យនៃជនពិការ និងសេវាជំនួយការផ្ទាល់ខ្លួន ជួយជនពិការមានលក្ខណៈធ្ងន់ធ្ងរ។ កម្មវិធីក៏បានអញ្ជើញនិស្សិត, ប្រជាពលរដ្ឋ និងជនពិការចូលរួមផងដែរ។

កម្មវិធីបានធ្វើការចែកជា៣ក្រុម ដើម្បីពិភាក្សារកប្រភពនៃការរើសអើង ថា តើបង្កឡើងដោយជនពិការ ឬជនមិនពិការ?

អានបន្ត......

កិច្ចប្រជុំផ្លាស់ប្តូរបទពិសោធន៍ស្តីអំពីចលនាពិការភាព រវាងអង្គការADRA ប្រទេសកូរ៉េ និងមជ្ឈមណ្ឌលPPCIL

នៅថ្ងៃទី១៩ ខែមករា ឆ្នាំ២០១១ ពីម៉ោង១០ព្រឹក ដល់ម៉ោង២រសៀល មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ មានកិតិ្តយស ស្វាគមន៍ និងបានធ្វើកិច្ចប្រជុំពិភាក្សាផ្លាស់ប្តូរបទពិសោធន៍ស្តីពី ចលនា ពិការភាពនៅការិយាល័យមជ្ឈមណ្ឌលPPCIL។ គោលបំណងនៃការប្រជុំពិភាក្សានេះ គឺផ្តោតជាសំខាន់ទៅលើការចែករំលែក នូវបទសោធន៍នៃការយល់ដឹង ស្តីពីគោលគំនិតពិការភាព រវាងប្រទេសកូរ៉េ និងប្រទេសកម្ពុជា ។

សន្និសិទនៃអ្នកជំនាញសហគ្រាសសង្គមសំរាប់ជួយគាំទ្រមុខរបររបស់ជនពិការ ពីថ្ងៃទី១៥ដល់ថ្ងៃទី១៧ ខែធ្នូ ឆ្នាំ២០១០

ពីថ្ងៃទី១៥ដល់ថ្ងៃទី១៧ ខែធ្នូ ឆ្នាំ២០១០ លោក ម៉ី សាម៉ីត នាយកប្រតិបតិ្ត មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញ បានអញ្ជើញទៅ ចូលរួមសន្និសិទនៃអ្នកជំនាញសហគ្រាសង្គមសំរាប់ជួយគាំទ្រមុខរបររបស់ ជនពិការដែលបានប្រព្រឹត្តនៅសណ្ឋាគារ Diana Garden Resort នៅ ទីក្រុងប៉ាតាយ៉ា ប្រទេសថៃ។ សន្និសិទនេះធ្វើឡើងក្នុងគោលបំណង បង្កើន និងផ្សព្វផ្សាយការយល់ដឹងពីបទពិសោធន៍ល្អៗស្តីពីសហគ្រាសសង្គមសំរាប់ ជនពិការក្នុងចំណោមប្រទេសតំបន់ASEAN ។ ប្រទេសកម្ពុជា, ប្រទេសឡាវ, ប្រទេសភូមា, ប្រទេសវៀតណាម, មន្រ្តីរដ្ឋាភិបាលថៃ, សហគ្រិន និងអ្នកសារព័ត៌មានបានចូលរួមសន្និសិទនៃអ្នកជំនាញសហគ្រាសង្គមនេះ យ៉ាងច្រើនកុះករ។ អង្គសន្និសិទក៏បានអញ្ជើញវាគ្មិនមកពីប្រទេសជប៉ុន, ទីក្រុងហុងកុងនៃប្រទេសចិន, ប្រទេសម៉ាឡេស៊ី, តៃវ៉ាន់ និងប្រទេសថៃ ។

គោលដៅនៃសន្និសិទ៖

១. ចែករំលែកបទពិសោធន៍អន្តរជាតិទៅអ្នកចូលរួម ។

២. រិះរកគន្លឹះល្អៗដើម្បីបង្កើនសហគ្រាសសង្គម ។

ថ្ងៃទី០៥ ខែវិច្ឆិកា ឆ្នាំ២០១០សាលាឃុំផ្សារដែកបានសាងសង់ផ្លូវជំរេលថ្មី

ថវិកាដែលទ្រទ្រង់ និងទទួលបានពីការរៃអង្គាសប្រាក់ កាលពីថ្ងៃទី២៦ ខែកញ្ញា ឆ្នាំ២០១០នោះ ត្រូវបានអជ្ញាធរឃុំផ្សារដែក និងមជ្ឈមណ្ឌលPPCIL ដោយមានការសហការពីមជ្ឈមណ្ឌលជាតិនៃជនពិការ NCDP, បានធ្វើការ​ សាងសង់ផ្លូវជំរេលដោយបំពាក់បង្កាន់ស្របតាមលក្ខណៈបច្ចេកទេសរួចរាល់ ដើម្បី ទុកជូនបងប្អូនជនពិការនៅក្នុងសហគមន៏ប្រើប្រាស់សំរាប់ទទួល សេវារដ្ឋបាលផ្សេងៗ។

គួរបញ្ជាក់ថា ផ្លូវជំរេលថ្មីនេះក៏មានការរួមចំណែកថវិកាបដិភាគពីសាលាឃុំ ផ្ទាល់ផងដែរ។

មជ្ឈមណ្ឌលជីវិតរស់នៅដោយឯករាជ្យនៃជនពិការភ្នំពេញពិតជាមានសេចក្តី រីករាយឥតអ្វីព្រៀបបាន ដោយឃើញសមទ្ធិផលថ្មីដែលកើតឡើងដើម្បីបំរើ ជនពិការទូទៅក្នុងឃុំផ្សារដែកនេះ។ ជាពិសេសផ្លូវជំរេសនេះគឺបានកសាង ឡើងដោយទឹកដៃដ៏ពិសិទ្ធរបស់លោក វ៉េត ដែលពិការដៃម្ខាង។ យើង សង្កេតឃើញថា ក្រោយពីបានកសាងជំរេលនេះបានរួចរាល់ជាស្ថាពរហើយ នោះ មានបងប្អូនប្រជាជនភាគច្រើនដែលមកទទួលសេវារដ្ឋបាលផ្សេងៗ ពីសាលាឃុំ ពួកគាត់ចូលចិត្តដើរឡើងតាមផ្លូវជំរេលជាងឡើងតាមកាំជណ្តើរ ។ ដូច្នេះ បញ្ជាក់ឲ្យឃើញថា ផ្លូវជំរេលសំរាប់ជនពិការមិនមែនបំរើតែ ជនពិការនោះទេ គឺប្រជាជនទូទៅអាចប្រើប្រាស់បានយ៉ាងងាយស្រួល បំផុត។

ក្នុងពេលឆាប់ៗនេះ មជ្ឈមណ្ឌលPPCIនឹងធ្វើស្លាកសញ្ញាសំរាប់ផ្លូវជំរេល យ៉ាងឆាប់តាមដែលអាចធ្វើទៅបាន៕

កម្មវិធីរៃអង្គាសថវិកា និងលើកកម្ពស់ការយល់ដឹងអំពីសិទ្ធិជនពិការ

ថ្ងៃទី២៦ ខែកញ្ញា ឆ្នាំ២០១០ មជ្ឈមណ្ឌលជីវិតរស់នៅដោយឯករាជ្យនៃ ជនពិការភ្នំពេញ បានធ្វើកម្មវិធីចលនារៃអង្គាសថវិកា និងលើកកម្ពស់ការអំ ពីសិទ្ធិជនពិការនិងការចូលរួម នៅឃុំផ្សាដែក ស្រុកពញាឮ ខេត្តកណ្តាល។ សរុបអ្នកចូលរួមក្នុងកម្មវិធីនេះមានបងប្អូនជនពិការ, សិស្ស និស្សិត អ្នក ឆៃយ៉ាំ និងអាជ្ញាធរចំនួន២៥នាក់។ ក្នុងនោះជនពិការដែលប្រើប្រាស់រទេះ មានចំនួន៧នាក់។

គោលបំណងនៃកម្មវិធីនេះគឺធ្វើការផ្សព្វផ្សាយពីគោលគំនិតពិការភាពទៅក្នុង សង្គម និងរៃអង្គាសថវិកាដើម្បីកសាងផ្លូវជំរេលនៅសាលាឃុំផ្សារដែក ក្នុង ន័យផ្តល់ឧិកាសដល់ជនពិការបានទទួលសេវារដ្ឋបាលផ្សេងៗ និងបង្កើន ឧិកាសពេញលេញក្នុងចូលរួមគ្រប់សកម្មភាពអភិវឌ្ឍន៍សហគមន៏។ កម្មវិធី ចាប់ផ្តើមពីម៉ោង៩ព្រឹក ដោយក្រុមក្បួនដង្ហែរបានដើរកាត់ជំវិញផ្សារឧត្តុង្គ ហើយបានប្រើប្រាស់មេក្រូកាន់ដៃ ធ្វើកាពន្យល់ប្រជាពលរដ្ឋឲ្យមានការចូល រួមបរិច្ចាកធនធានថវិកាបន្តិចបន្តួច ដើម្បីទ្រទ្រង់ដល់សុខុមាលភាពសង្គម ជនពិការ។ កម្មវិធីបានបញ្ចប់នៅម៉ោង៣រសៀលថ្ងៃដដែល។

សរុបថវិកាដែលទទួលបានពីការជួយជ្រោមជ្រែងរបស់ប្រជាជនពលរដ្ឋ ក្នុង សហគមន៍និងភ្ញៀវទេសចរមានចំនួន ៧១៥៩០០ រៀល។ ក្រុមការងារយើង ខ្ញុំ សូមធ្វើការកោតសរសើរចំពោះទឹកចិត្តសប្បុរសធមរបស់ ទ្រង់ ឯកឧត្តម លោកជំទាវ លោក លោកស្រី បងប្អូនក្នុងសហគមន៏ ក៏ដូចជាភ្ញៀវទេសចរ​ ទាំងអស់ដែលបានបរិច្ចាកធនធានថវិកា ដ៏មានតំលៃដើម្បី​ជួយដល់ ជនពិការក្នុងសហគមន៏ឃុំផ្សារដែកនេះ​ ហើយក៏ដូចជាកំពុងកសាងសង្គម មួយសំរាប់យើងទាំង អស់គ្នា៕

កំរងរូបភាពសកម្មភាព